牛熊輪流炒：中建材食正國策 吼17681

由上周一低位18,056點起步計，一片絕望聲中實際反彈了970點，身邊口痕友繼續發揮「小宇宙」，話今年睇二萬三，但無講到係先跌再升，還是一路升，大家惟有自行揣摩。

環球市場存在多個不明朗因素，後市無明顯方向，但按牛熊街貨分布，熊證街貨近日一直大幅高於牛證街貨，為大戶殺熊提供了足夠誘因。從陰謀論的角度，大戶挾上萬九或更高，把現時19,100至19,599點的熊證重貨區來個殺着，不無道理，該區街貨達9.1億份，相當於1,814張對沖期指，反觀牛證重貨區處於17,700至18,199點之間，跟現水平距離較遠，街貨量較少，只有7.63億份，對沖期指不到1,500張。

好多人覺得買賣牛熊證，唔受引伸波幅影響，似乎較窩輪更公平。其實，牛熊證沒有引伸波幅這個元素，對正股資產的敏感度高，但上市牛熊證全屬價內證，收回價愈貼近現水平，槓桿比率愈高，溢價無咁貴，但收回風險就相對愈高，其對沖值Delta不完全等於一，走勢跟正股資產一樣有落差，選擇牛熊證時至緊要明白當中的結構。

下半年中央有機會加大放水力度，要(目及)實基建類股份，近日亦見資金流入該類認購證，中國建材（03323）企穩9元樓上，昨收報9.33元，不妨吼國材荷合購（17681），今年十二月二十日到期，行使價10.01元，引伸波幅48%。

Handsome哥