人所共知，恒生（00011）有個馬拉松健將，講嘅係助理總經理張樹槐（Walter）。今次佢為港爭光，成功挑戰世界第一峰嘅珠穆朗瑪峰之馬拉松比賽。話說回來，香港開埠以嚟，從來無一個港人能夠成功完成珠峰馬拉松這項挑戰，而且賽事舉辦十年來，亦只有約1,000人能夠成功完成。無他，因為這項比賽對身體和意志都是極大嘅考驗，難怪Walter話能夠完成比賽，非常感恩。
佢話係對身體同意志嘅考驗，真係無半點誇張之意。Walter透露，賽前要同其他參賽者到尼泊爾適應高原環境，期間要參與14日嘅登山之旅，最高點約為海拔18,200呎，平時行幾步路都氣喘嘅絲絲真係聽到都打個冷震，之後仲要步行80公里去到出發點嘅基地。
「單係行去基地都已經相當艱辛，沿途空氣稀薄，天氣寒冷，長時間刮強風，多位選手都因為高山反應而中途退出，而我都多次於雪地上滑倒。」喺-5度嘅山頭風餐露宿，又點會有覺好瞓呢？唔怪之得，Walter返嚟香港瘦咗一個圈，原來佢瘦咗十磅咁多！
講番比賽當日，絲絲雖然唔喺現場，不過都知道賽道初段其實好陡峭，好蝦人行。聽聞Walter喺比賽初段就扭傷小腿，仲一度迷路，真係禍不單行。
不過，好彩佢得到當地村民嘅指引，翻過山巔先可以返回賽道，最終都完成到「珠峰馬拉松」嘅壯舉。
余詩韻