絲絲覺得摩通點都應該搵番啲銀行董事或者風險管理師加入委員會，咁先識得監察住摩通嘅首席風險總監架！枉摩通仲係美國以資產計最大銀行，排喺佢後面嗰五間，包括美銀、摩根士丹利、花旗、富國同埋高盛，都識得搵啲相關人士入委員會喇，而且摩通個委員會人數仲係六大行中最少添。
成員曾接受銀行捐款
摩通風險委員會舊年開過七次會，自○八年以嚟都無轉過人，一直監督住銀行嘅風險胃納，其實佢哋邊識睇呀！絲絲聽講，嗰位博物館館長打理嘅博物館曾經接受過摩通嘅捐款，而佢以前係AIG企業管治委員會成員嗰時，都有接受前AIG舵手格林伯格嘅捐款，都唔知摩通同班委員會成員有無私相授受架！
余絲韻