被譽為日本「賺錢之神」嘅邱永漢逝世後，大家頓時失咗一支「盲公竹」。喺啱啱嘅四月初，邱永漢曾經到訪過東岳（00189）喺山東嘅廠房，星展唯高達（DBS）咁啱喺尋日以業務前景不濟為理由，下調東岳嘅投資評級，兼大減目標價46%。呢次downgrade，唔知係咪時間上嘅巧合？
看官可能都熟知，邱永漢過往經常會帶日本團到中國或香港，尋找投資機會，今年四月更遠赴山東考察東岳，並對其推崇備至。點不知，呢頭去完個trip，嗰頭東岳就有股東配股套現兼發換股債抽水，搞到好多投資者好不滿，最後就取消咗。雖然市場消息話邱永漢沒有投資東岳，但東岳擬集資呢個舉措始終有損邱永漢名聲。
因相信「股神」而投資東岳嘅投資者，噩夢可能由「股神」逝世之後開始，除咗因為股神逝世後，東岳股價大跌（可能係跟隨整體投資氣氛影響）之外，尋日又畀DBS質疑佢嘅產品售價有下調空間，遂調降盈利預測，兼大減目標價46%，離「家鄉」愈來愈遠，「股神」泉下有知，真係情何以堪呢？！
余絲韻