女王登基60周年大晒
英國其中三家大型銀行，包括滙豐、蘇格蘭皇家銀行、萊斯，都以實際行動響應《每日郵報》發起嘅清潔運動，方便旗下員工同屋企人、朋友或者隔籬鄰舍合力，執走堆積喺路面同郊區嘅垃圾，以最佳市容迎接英女王登基六十周年嘅大日子。
滙豐同蘇格蘭皇家銀行喺英國分別有大約五萬及三萬名員工，管理層已經講明會為員工提供有薪假期，一日咁多。萊斯銀行發言人亦都話，期望見到員工「捲起衫袖」參與執垃圾活動，順便為觀賞倫敦奧運嘅旅客留低好印象。
英國每日大約有2,300萬件垃圾畀人棄置街頭，每年累積嘅垃圾高達3,000萬噸，花費納稅人大約8.85億英鎊清理。