在十三個交易日內，大市跌足十一日，嚴重超賣，係時候作個技術反彈，昨日恒指高開139點後，升幅一度擴大至260點，尾段因期指急回而升幅大為收窄至0.6%，國指全日升1.2%，是恒指的一倍。
港股升得少，成交亦少，只有525億元，反映股民沒大批加入追貨行列，入市意欲一樣咁低，至怕是死貓彈完又再散過，惟有繼續採用極短線策略，就算要持貨過夜，注碼都唔好咁大。
前日認購證及牛證好倉錄得5,408萬元資金流入，牛熊證總街貨相對期指張數卻非常接近，都是三千幾張。大市跌到咁超賣，雖有資金流入博後市上升，但街貨分布未見後市樂觀的情緒，難道好友今次真係輸到怕。
昨日即市觀察見資金流出個別股份認購證，整體窩輪及牛熊證成交均下跌，分別跌至67.32億元及65.65億元，較周一減少了8.6%及12.2%。
國際油價由近七個月低位反彈，相關油股應聲而起，中海油（00883）由五月初的16.96元調整至14元邊，已經跌唔落，現較50日線低約一成，可小注相關認講證，睇15.5元短線阻力，海油渣打購（18389）行使價14.9元，到期日今年九月二十四日，實際槓桿7.3倍，引伸波幅37.8%。
Handsome哥