近排歐美風風雨雨，民企風暴又未停，揀股票當然要避重就輕，大家話係咪？睇番咁多隻股票，喺上千隻股票入面，有時都可以發現幾隻質優股！
太古地產（01972）主要業務包括發展、租賃同埋管理商業、零售及若干住宅物業，亦有投資同埋經營酒店。集團於二月份時宣布喺美國邁阿密發展Brickell CitiCentre項目，為市內最大單一發展項目，將提供接近290萬平方呎樓面面積，包括住宅、購物商場、辦公樓、酒店同酒店式住宅，預計今年第二季動工。
另外，集團經常四出收購物業。去年四月收購鄰近太古坊嘅糖廠街23號物業，將重建為酒店式住宅。以今年地產市道上升幅度計，公司有幾賺錢大家心中有數！
此外，公司位於廣州天河區嘅太古匯購物商場，去年已正式開業，該項目面積達380萬平方呎，其中酒店同酒店式住宅都會喺今年下半年啟用。隨住接踵而來嘅項目相繼落成，公司開始進入成熟期，多項新增收入將有助提高盈利！
睇番數據，公司每股帳面資產淨值約31元，昨日股價收報22.05元，現價有一定折讓！繼續追蹤、出發！
香港大學電子金融服務榮譽 助理教授 徐燦傑