隨住智能手機大行其道，唔少以往要左搵右搵嘅資訊，依家都可以一機在手，樣樣齊全。再加上依家QR編碼愈嚟愈普及，用手機嘟一嘟，就直飛去指定網頁，連輸入網址步驟都慳番，都咪話唔方便。東方報業向來為讀者提供最優質服務，有咁方便嘅app，點可以唔用。
絲絲知道，東方產經已經將部分股市行情版嘅資訊放喺手機版網頁上，讀者可以用智能手機嘅閱讀QR編碼app，掃描刊登喺行情表嘅QR編碼（刊於B9），火速進入相關網頁，要睇派息備忘、沽空記錄、大手成交、甚至係港股嘅美國預託證券（ADR）（刊於B1）尋日收市價，都係嘟一嘟就搞掂。
讀者如果想睇即時股市資訊，亦可揭去投資版古勝專欄裏面嘅QR編碼（刊於B8），即時睇晒港股二十大升跌以及成交，緊貼市場脈搏。
東方產經另一新猷，係推出新嘅Money Views版。環球經濟「立立亂」，金融市場極之波動，自然要多聽專家意見，才能洞悉先機。呢個全新嘅Money Views版面，除咗有極受讀者歡迎嘅大師及名家繼續執筆之外，仲增添一批學者、專家，由佢哋縱論環球金融大勢、內地及香港經濟、股市及地產投資等，希望大家能夠從中找到啟發，轉身都能夠快人一步。