講起啤酒，大家諗到嘅品牌可能係好多外國牌子嘅啤酒，但係同祖國同胞傾偈，大家可能就只會提青島啤！
青島啤酒（00168）係中國其中一個最大嘅啤酒生產商同銷售商。喺如今中國經濟平穩快速增長嘅環境下，一一年公司啤酒產量達4,899萬千升，增長10.67%。公司一直堅持品牌為重嘅發展戰略，充分發揮青島啤酒的品牌優勢，不斷提升品牌形象，營造高檔次產品嘅形象。
另外，集團亦不斷拓展產品種類，提高每樣產品嘅溢價，不斷提升同優化產品結構，主要針對內地中高端市場。
公司實行「大客戶+微觀運營」嘅營銷模式，喺某幾個區域打造基地市場，務求完善自己嘅銷售網絡。同時間，公司仍然繼續加大市場開發力度，令山東、陝西等基地市場持續增長，市場佔有率穩步提升。可見公司嘅網絡，已經不斷打入唔同省市！
近年公司堅持嘅體育營銷戰略，將運動同品牌連結起來，取得優越嘅成果！例如公司舉辦嘅青島啤酒「炫舞激情」啦啦隊選拔賽，以及成功簽約出征二○一二年倫敦奧運會嘅中國體育「冠軍之隊」，以及美國NBA熱火隊，在在提升咗自己嘅品牌形象同產品競爭力。
睇番數據，集團仍然維持不俗增長，一一年盈利上升16.4%，息率0.69厘。繼續追蹤、出發！
香港大學電子金融服務榮譽助理教授 徐燦傑