絲絲講場：鄭志剛UNITI新世界

推動全新核心價值

近年佢仲為公司進行唔同嘅改革，要帶畀大家一個「新」嘅新世界，除咗強化物業質素同服務水平之外，對內部企業嘅核心價值都無忽略架。絲絲聽講，之前公司就喺Adrian帶領之下，推出一個全新企業核心價值「UNITI」，強調重創新、求進步嘅企業文化。

Adrian話，集團自舊年開始已經全方位改革，希望長遠可以成為香港具備領導地位嘅地產發展商，而改革就需要喺提升內在嘅企業文化入手，所以推出新嘅企業核心價值「UNITI」，希望所有員工都有共同目標，一齊創新發展、共建新世界咁話！

所謂「UNITI」，包括你（You）、新世界（New World）、創新（Innovation）、信任（Trust）同埋進步（Improvement），而「UNITI」同時亦代表「Unity」，寓意新世界大家庭團結一致。

搞工作坊團結員工

咪以為呢啲核心價值嘅嘢好無形，為咗將呢個「UNITI」概念推廣到每一個員工，新世界之前就舉辦咗個「UNITI工作坊」，入面有多個創意攤位，員工可以透過畫畫、音樂同影相嘅元素，圍繞「UNITI」設計新玩意，Adrian仲主持活動嘅開幕儀式，氣氛仲好熱鬧添！