絲絲記得黃濤當年嚟香港係○七年嘅事，先做董事會秘書，一○年初升任個人銀行業務主管一職。其實佢九六年入建行至今已經16個寒暑，嚟香港前已經官拜建行總行風險管理部副總經理，返到總行，睇嚟亦可以再有一番大作為。
返北京歎夠再搏殺
黃濤同絲絲講，佢三月底已經離職，依家喺北京放下假先，等放完假再由總行安排工作。
近期零售銀行主管執位都好頻密，建行亞洲近年大力發展，黃濤都出咗唔少力，依家返總行幫手，香港又少一個「好打得賓卡」喇。至於邊個接黃濤個位呢？雖然依家未有公布，但絲絲相信王洪章話有玄機，好可能再由建行派人出任。