依家待遇最好嘅上市公司高層，多數集中喺金融業或者服務業，做得最辛苦嘅製造業，薪水反而最差，呢個現象真係唔多健康，但現實就係以盈利嚟決定一切嘅。
除咗于孝燕嘅3,000元年薪嚇人之外，逗最少年薪第二位嘅亦只得5,000人仔，佢係北亞嘅董事長王則瑞。至於年薪最低嘅「探花」，係銀座股份已離任董事長張文生，年薪7,000人仔，聽講新任董事長劉希舉年薪只得5,000元人民幣。
38老總 搵唔過5萬
睇番1,573隻A股年報，發現董事長年薪唔多過5萬嘅有38家，製造業就佔咗17間。冇辦法，公司唔係盈利下跌，就係冇乜增長，如果董事長仲攞埋高薪，實聽鬧喇！