早排業績出個不停，Prof. J亦忙個不停！喺上一年波動嘅市場環境之下，能夠出到份好嘅業績，大家當然要加倍留意啦，係咪？
中國移動（00941）上月中公布嘅全年業績，睇番各項數據，以大股嚟講都算唔差。集團營運收入增長8.8%，係同行裏面嘅領先水平；股東應佔利潤達1,259億元（人民幣‧下同），增長5.2%，當中股東應佔利潤率達23.8%。每股基本盈利6.27元，增長5.2%。
集團喺業務發展方面保持平穩，數據業務收入增長15.4%，係營運收入嘅主要來源，佔比重26.4%，當中無線上網業務增長45%，反映內地無線上網趨勢有增無減！
流動互聯網快速發展，而集團亦積極開拓商機，近年就通過不同的模式同其他公司合作發展，從而積極拓展新的領域、探索新的模式。例如流動應用商場 （Mobile Market）就係一個嶄新嘅概念。
集團同消費者、開發者以及產業鏈裏頭各商戶，透過流動應用市場結合成一個互相合作嘅重要平台！流動應用商場明顯發展迅速，總註冊客戶達1.58億戶，總應用程式下載量超過6.3億次，成為全球最大嘅中文應用軟件商場。中移市盈率11倍，息率3.9厘！繼續追蹤、出發！