絲絲講場：洪灝入交行為AH股獻策

交行羅致洪灝擔任執行董事及首席策略師，內地A股同本港H股都畀佢負責，咁放心予以重權，原來洪灝係分析界長老！

做過大行 浸埋鹹水

喺○九年加盟中金之前，佢任職過花旗集團全球股票策略師，喺紐約浸過鹹水，之前亦擔任過Brean Murray Carret & Co. 中國研究董事總經理，果然係經驗老到！

力排眾議 睇淡A股

不可不提灝兄嘅獨到眼光，當普羅大眾都睇好內地股市嘅時候，灝兄嘅睇法都算與眾不同。報道指彭博訪問嘅十三個經紀之中，只有佢一個係睇淡今年內地股市。

唔好以為佢「行運當秘笈」，洪灝曾批中一○年上海綜合指數大挫，當同業上調對股市嘅預測，佢就喺一一年四月對股市態度審慎，結果上海綜合指數一○至一一年間大跌。今次佢加盟交行，唔知會有咩新氣象呢？