絲絲同瑞銀嘅友人八過，原來除咗袁大姐請辭係事實外，其餘都被澄清與事實不符，而點解會有咁嘅傳聞，連友人都唔知原因。
絲絲聽聞袁大姐對同事以至其他人都好好，有位老記約袁大姐午膳，但臨時大頭蝦失約，袁大姐都無放係心度，反而老記耿耿於懷，多年後都要補請番袁大姐，最終當然如願啦。
服務瑞銀達14年
袁大姐挾住哈佛法學士嘅頭銜，持有英國、美國及香港嘅專業律師資格，九四年加入英資華寶，九八年華寶畀瑞銀購併，佢過檔瑞銀，結果同瑞銀建立長達14年嘅賓主關係，喺金融界算係少有。有人同絲絲講，袁大姐可能係瑞銀亞洲現存高管中唯一從華寶過檔。
余絲韻