講起四散名單，最令絲絲印象深刻嘅，要數舊年馬凱博突然辭任滙豐香港區總裁，之後可以話係滙控中高管四散高峰期，保險業務主管湯德信、交易銀行業務主管郭懷道等，紛紛退休走人；連香港人較熟悉、負責財富管理業務嘅李錦榮，以及滙豐證券嘅黃慧群都相繼求去，並極速搵到新工作。
歐智華大手筆減持
正當唔少滙控管理層另謀高就之際，主席范智廉、行政總裁歐智華、財務董事麥榮恩等掌舵人，喺上個禮拜四齊齊減持共31.9萬股滙控，當中以歐智華最大手筆，減持27.5萬股。咦！歐智華唔係話要帶領滙控重拾昔日光輝？點解要咁快賣梗啲股票呢？