呢排仍然係四處走訪，又要熟悉國情，同時要見廠商，忙到震！由唔同報告睇番，今年中國會較為鬆手，經濟應該會比往年好；加上M1貨幣供應回升，谷大咗個銀庫，內銀股自然係上上之選啦！
中國銀行（03988）業務包括公司金融業務、個人金融業務、資金業務、投資銀行業務、保險業務和其他相關業務。中行近年主動創新信貸業務發展方式，推進大中小型客戶均衡發展，主動調整外幣貸款發展策略，提高信貸資源使用效率。依家中行嘅重點客戶包含1,500家集團客戶，咪睇小每間集團客戶，都講緊係唔知幾多個億嘅大集團！
中行喺中國內地一系列大型項目營銷入面獲得帶頭同代理角色，充分完善化品牌效應。該行銀團貸款業務喺內地同香港及澳門連續四年位居帶頭人角色首位，近三年又喺亞太非日本地區市場排名第一。咁積極嘅放貸業務，自然反映番喺佢嘅業績上！
另外，中行嘅保險業務廣泛，包括中銀集團保險、中銀集團人壽、中銀保險等等。喺內地，中銀推出既「中銀家庭醫療」、「中國通」、「中銀家庭綜合保障計劃」等產品，知名度都有番咁上下。
睇番數據，中行去年首三季盈利為963.01億元人民幣，按年增21.5%，而呢咁多年來中行嘅盈利都維持住20至40%增長，市盈率只有7倍，息率5厘！繼續追蹤、出發！
香港大學電子金融服務榮譽助理教授 徐燦傑