買家瘋搶「匙盤」幾沽清
樓市閃現小陽春，促使用家湧入市，惟農曆新年前不少業主憂後市不穩，將單位轉售為租，令交吉「鎖匙盤」買少見少。其中屬新界龍頭屋苑的沙田第一城雖提供逾萬伙，現時竟只有約5個為可睇樓「鎖匙盤」，可睇樓盤源短缺，令個別投資者不惜不睇樓搶購單位，屋苑一個頂層戶剛以呎價6,400元售出，屬同類型戶近期高價。
金獅盤源勁減逾50%
另外，亦屬細價樓的大圍金獅花園，亦因盤源被消化，目前可睇樓「鎖匙盤」餘下不足5個，較農曆新年前勁減逾50%。
美聯鍾燕河稱，沙田第一城本月暫已錄逾50宗成交，令盤源按月跌約10%至約580個，用家搶購交吉盤下，扣除凶宅同層放盤，屋苑只有約5個「鎖匙盤」，部分代理為方便睇樓，往往要為同一單位配備多幾條鎖匙；另因缺盤，交投有機會減慢。
鍾氏稱，缺盤令買家搶購連約盤，沙田第一城41座有頂層連約單位，以252.8萬元沽，呎價達6,400元；另26座高層F室，剛售378萬元，呎價約6,726元，創屋苑近月新高。港置另稱，同屋苑1座低層G室，反價2萬售240萬元。
置業18劉翰鋒稱，在未有新盤補充下，大圍每個屋苑可睇樓單位僅餘3至5個，即使是提供逾2,700伙金獅花園，目前可睇樓交吉「鎖匙盤」不足5個，而農曆新年前則有逾10個；另同區豐盛苑A座高層7室，屬罕有交吉放盤，一周錄逾20組客睇樓，業主反價5萬至188萬元沽。
淘大反兩口價288萬沽
市場續錄反價、爭盤及極速成交，美聯何家豪稱，牛頭角淘大花園「筍盤」被消耗，業主趁勢反價，其中N座中層6室早前獲近10組客同時睇樓，終連反兩口價共8萬至288萬元沽。中原鮑允中稱，同屋苑F座中低層5室，獲投資者「零」議價下約275萬元購入。
德福獲四客爭購
港置陳偉宗表示，九龍灣德福花園H座低層6室，獲4組客爭購，終以約403.9萬元沽，每呎售價6,698元。該行方文偉稱，長沙灣宇晴軒3座中層B室，放盤僅三日，減價10萬即售約400萬元，呎價為約6,410元。
美聯林海成稱，荔枝角美孚新邨曾持貨10伙投資客，剛沽出2期百老滙街48號高層B室，售價約980萬元，呎價約6,152元，持貨約四年帳面賺220萬元。
祥益張才權表示，屯門市中心願意支付5%額外印花稅的放盤增加，由去年十月大約4個，增加至現時大約25個，增幅高達6倍，反映業主預料樓價續升。