被股民暱稱為「甜心」嘅田生集團（00183），過去一年股價表現不但一啲都唔甜，仲係苦得很，由前年十月高位1.64元開展漫長跌浪，去年十月曾低見0.285元，大跌逾八成，之後雖反彈，但近期亦只是一直在0.4元樓下浮沉，不過最近幾日開始見發力，抽穿0.4元後，昨日再升4.7%，收報0.44元。
論基本因素，田生不過不失，截至去年六月底止全年純利1.68億元，增長約兩成，現價市盈率8.4倍，但近半年本地樓市萎縮，集團亦對市場前景表示不樂觀。不過，呢一浪炒股仔最緊要係睇勢做人，田生股價短線應可挑戰去年十月的0.5元阻力，支持位睇0.4元。
詩詩