不過人稱「任大炮」嘅華遠地產前董事長任志強就力撐，房產企業唔存在破產問題，因為勝在有地揸手嘛！
有地揸手超穩陣
任志強話，由於內房企業拎住嘅係土地，可以任意轉移，又可以通過兼併重組嘅方法去解決問題，佢覺得除咗房地產以外，其他企業都可能會破產，但只有房地產企業唔會。任志強又話，由以前到依家，基本上佢都無見到有房地產業嘅破產，即使係只剩低一塊爛地，都仲會值錢。如果要講，佢只可以話房地產業係有洗牌同重組嘅過程，一個國家要喺經濟增長或者高增長嘅情況之下，房地產係唔會冧嘅！
任志強仲話，佢唔覺得今年房地產商過唔到，但如果今年都仲唔做調整，到二○一三年就一定出問題，原來最危險係出年至真！
余絲韻