金融圈入面好多跑手，康宏金融集團主席王利民係馬拉松及跑步比賽嘅常客。絲絲喺啱啱過去嘅星期六，參加咗綠色力量環島行慈善行比賽，但係就見唔到王主席，原來佢今年冇參加，齋支持公司團隊，有佢嘅支持，康宏連環攞幾個獎添！
王主席話，員工組成「康宏正行者」及「康宏ACT」出戰呢個比賽嘅香港保險業聯會盃，成績好好，包辦冠軍及亞軍。由康宏贊助嘅Convoy CosmoboysI及II，都攞到公開組50公里同埋公開組25公里嘅冠軍及亞軍。
原來「正行者」已經係第五年參加，今年成績係6小時17分16秒。絲絲成績係點？肯定多過七個小時啦，平時行六個鐘頭都想死，唔好話跑喇！
王主席應該好滿意今年嘅成績，佢話最緊要係公司團隊齊心，咁至做到今年「馭龍有術 錢途無限」嘅公司主題。
余絲韻