絲絲講場：唔敢退休因一個字

絲絲講緊嘅係市民對退休生活嘅信心。美國萬通亞洲做咗個調查，十分滿分計，香港人對過滿意退休生活嘅信心得6.1分，「跑輸」上海嘅6.9分。

8%受訪者憂長命

點解香港人對退休生活咁無信心呢？原來好多都關乎個「錢」字。美國萬通亞洲高級副總裁蕭莉玲（Jeanne）話，分別有23.6%同20%受訪者，擔心通脹及失業問題，連驚太長命嘅都有8%。

不過香港人嘅「勤力度」就贏咗上海，有27.6%男性打算65歲之後先退休，上海只係得6.8%，唉！香港贏係呢樣，絲絲都唔知開唔開心好喇。

提醒要注重健康

Jeanne就提醒大家，為退休作打算嘅時候，都要注重健康，事關佢有個親戚58年嚟，都無做過身體檢查，咁啱個親戚搞生意，想問銀行借錢，銀行就要佢驗咗身先借，點知一驗之下先知糖尿嚴重超標，更加要即刻入院。所以呢，經濟發展其實同健康息息相關o架。

余絲韻