溫總開口托市的威力繼續發揮，內房股昨日同樣見升勢，普遍升幅逾2%，而細「晒士」嘅五礦建設（00230）同沿海家園（01124），升幅分別逾5%和7%。
在一眾內房股之中，五礦建設絕對屬於輕量級，現市值僅26億元，遠不能跟中國海外（00688）等千億龍頭巨企比較，不過論背景實力，五礦建設跟中海同屬央企級數，母公司五礦集團擁有大量土地可供注入，未來發展未可限量。何況規模細亦唔係冇好處，睇番中期業績，期內集團旗下十個項目中，南京、長沙共佔五個、其餘北京、天津、河北廊坊、遼寧營口和廣東惠州則各一，大部份屬二三線城市，故受限購令之類的調控政策影響較輕，這從其截至六月底止半年純利仍勁升4.13倍，至2.76億元可見一斑。
過去一年五礦建設股價持續向下，現價0.8元，連五十二周高位1.7元一半都唔到，市盈率得4.1倍，但昨日一升，已見初步突破，10日線亦正升穿20日線，有短線追入價值，阻力位睇100日線（約0.87元），支持位0.75元。
詩詩