踏入新一年，銀行公會主席輪到滙豐高層出任，由於王冬勝（Peter）已升上亞太區行政總裁高職，今年就由四個月前接掌滙豐香港區總裁嘅馮婉眉（Anita）上任，Anita除咗係滙豐最高層嘅女賓架，亦係史上銀行公會首位女主席，完全係巾幗不讓鬚眉。
見慣大場面嘅Anita，雖然係第一次主持完銀公會議之後見傳媒，但係表現非常淡定，對傳媒提問應付自如，仲話好榮幸今年成為銀公主席，同時作為首位女性出任銀公主席好開心，不過，今年市場充滿變數同埋挑戰，出任銀公主席責任重大，同時係能力嘅考驗。