內地煤企同電企，目前正就未來一年的合同煤價埋枱講數，由於發改委限制合同煤加幅不得超過5%，煤企於是就學香港嘅兩電一樣，實行加到盡。但電企捱咗咁耐至獲准加價5至6%，自然唔肯就範，結果暫時都係傾唔掂數，不過在國家強力監督下，估計最終都會係煤企加少啲，電企加多啲，總之大家都有得加。
隨着內地通脹回落，再難要求電企捱義氣，可以相信月初的電價調整只是開始，明年電企的經營環境將會進一步改善，故即使電力股月初因好消息出貨而下跌，但不久已經重現升勢，以華電國際（01071）為例，昨日升1.3%，以全日高位1.54元報收，跟上月高位1.56元只是一步之遙，突破可期，後市有機會向全年高位1.89元進發。當然，在一眾電力股中，論質素、論估值，華電絕對算不上是理想之選，故只建議小注跟進，支持位睇1.4元。
今日已是今年最後一個交易日，謹此祝大家新年進步，明年股市旺丁又旺財。
詩詩