二○一二年好快到，有乜人、事要留意？《華爾街日報》揀咗12位新一年度最受矚目嘅全球企業高層，有兩位中資企業舵手入選，分別係中石化（00386）董事長傅成玉，同埋阿里巴巴集團主席馬雲，另外蘋果公司新舵手庫克、豐田汽車社長豐田章男亦都榜上有名。
傳成玉曾任中海油舵手，最廣為人熟悉的是他在○五年帶領中海油收購美國優尼科（Unocal）。他現時擔任中石化董事長，再度嘗試展開購併大計，包括夥拍新奧能源（02688）提出全購中國燃氣（00384），市場關注能否成事，甚至中石化可否大幅擴大海外版圖，改寫中國企業海外購併受阻嘅命運。
阿里巴巴集團創辦人馬雲，今年三番四次講明打算回購雅虎手上嘅約40%阿里巴巴股權，由於阿里股權已成雅虎最有價值嘅單一資產，而馬雲手握優先回購股份嘅權利，市場瞄實佢點樣左右雅虎嘅命運。