最近多隻新股上市都係「破發」收場，令股民談新股色變，但亦並非單單港股市場有這個情況。以偷菜遊戲上位嘅網上遊戲商Zynga，月中在美國上市首天股價曾升逾一成，但之後無以為繼，當日收市已破發。不過，另一知名遊戲Angry Birds嘅開發商Rovio，集資大計就未有受此影響，消息指正尋求二○一三年來港上市。
第一視頻（00082）自從宣布與Rovio建立合作夥伴關係後，預計明年初就會有相關產品推出，可望成為未來盈利增長動力來源。現時第一視頻旗下三大業務，包括電訊媒體、彩票和手機遊戲，可謂各有賣點，今年上半年盈利雖只微升，但主要是受特殊支出影響，睇番三大業務分部溢利分別為1.05億、7,005萬和7,537萬元，較去年同期增長126%、35%和106%，可見增長動力強勁。
其股價月初由1.2元水平回落後，尋日逆市做好，升2%，以0.97元報收，如果成功收復1元關，將可上望前高位，支持位0.9元。