國家對調控政策作微調，但就講到明唔關內房事，不過，國家統計局日前公布十一月70大中城市房價數據，當中49個城市的新建商品住宅價格較十月下跌，反映中央調控有成效，就算口頭上繼續強硬，相信阿爺亦唔會再出手，反而市場都憧憬嚟緊嘅聖誕新年假期，人行隨時又會有放水行動，故內房趁淡市炒一轉亦算正路。
睇番尋日內房股唔大唔升，但偏偏最大隻嘅中國海外（00688），收市仍然要跌，原因相信同隻股之前跌得少有關，現價13.82元，較五十二周高位17.86元，只跌22%，相比以上幾隻同業26%至63%嘅跌幅為細，但資金扒冷炒落後，點都無理由唔預埋龍頭嘅中海一份，短線目標睇15元，支持位13元。
詩詩