港股尋日成交額僅372億元，乃去年二月十八日以來嘅新低，唔知仲以為得半日市。嚟緊幾日唔少經紀都提早放假，相信大市交投會進一步轉靜，如無意外一一年恒指喺萬八點邊埋單，按年唔見兩成多。
繼海通證券後，再有新股上市計劃擱淺，必瘦站（01830）宣布因應市況，不會進行全球發售計劃。
至於板塊方面，最近大摩就中資電訊股發表報告，行業首選仍為聯通（00762），並指電訊商增加投資，利好中興通訊（00763）。走勢方面，近月中興股價維持在22.8至24.6元上落，若以七月高位29.6元及八月低位17.12元計，反彈跌幅的一半即約23.36元，現價以及10日和20日線均結集於該水平，短線主要阻力位仍在25元，50日線約22.6元不宜有失。
古晨