火海天使急待醫費整形
「喺天台等救援嘅時候，見到自己兩隻腳啲皮慢慢咁甩出嚟，我以為自己會死！」經歷火劫、全身五成皮膚遭嚴重燒傷的「火海天使」鄧岢娭劫後首度開腔，即道出叫人不忍卒睹的畫面。事實上，火海中救人行為感動全城的岢娭傷後情況一度危殆，現雖逃出鬼門關，惟康復之路仍險阻漫長，除未來兩個月須接受連串手術外，更要面對未來整形手術龐大的開支，家人正為籌措相關醫療費而大感徬徨，希望東方日報慈善基金與太陽報愛心基金呼籲善長施援，協助岢娭重過新生。
在油麻地髮型屋大火中因拯救鄰居而被燒至重傷的十八歲少女鄧岢娭，是父母與親友眼中的乖乖女，鄧太回想起那一夜險告失去愛女，仍猶有餘悸，「送院之後醫生話佢情況危殆，有一隻腳冇晒脈搏可能要截肢，又話吸入濃煙可能會有併發症出現。我啱啱先養到個女咁大、咁生性，嗰一刻真係好似天塌落嚟咁！」幸而岢娭最終捱過劫難，讓慈母終可舒一口氣。
每日洗傷口痛楚難當
傷後的岢娭一直留醫，接受本報訪問時首度說出逃生一刻的倉皇，「走緊嗰陣因為太黑碌咗落樓梯，痛到差啲起唔到身，樓下係起火單位，所以樓梯燒到好熱，因為碌咗落去先燒到咁傷。」岢娭雖幸保性命，惟五成燒傷皮膚每星期均須進行死皮切除及植皮手術，每日更須花上四十五分鐘清洗傷口，令岢娭痛楚難當，非以嗎啡止痛不可，疼痛更使樂觀的她一度心灰意冷，曾輕言「點解揀我？點解死嘅唔係我？」
眼見愛女每天飽受折磨，鄧太每次都流下心痛之淚，更不斷怪責自己，她說：「如果我嗰時喺度，又或者我叫佢留喺屋企唔好出去，佢就唔會有事！」
母憂難負擔長遠開支
如今愛女身體每日雖有些微好轉，但卻未令鄧太與丈夫放下心頭大石，「岢娭將來即使出院都要做整形手術，嗰啲係好長遠同埋好貴嘅治療，我哋好驚負擔唔到！」鄧太希望善長慷慨支持岢娭，令她順利完成整個療程，重過新生活。
威爾斯親王醫院發言人證實，病人下肢逾三成皮膚遭到深層（三級）燒傷，上肢、背部及身軀則有逾兩成皮膚遭二級燒傷，入院後每星期均需為病人下肢進行死皮切除及植皮手術，康復進程漫長。發言人強調，病人現時並未可完全覆蓋所有燒傷皮膚傷口，仍有很大機會受到嚴重感染，未來六至八星期仍需留醫，並重複進行相關手術。
捐款編號：12198
記者 黃芷君