估唔到竟然有人因為「上網搜集資料做功課」，而得到亞洲富豪李嘉誠嘅賞識，絲絲真係慨嘆點解讀書時諗唔到呢個上位方法呢？據講，一位只得16歲嘅英國少年Nick D'Alosio，喺上網搵資料做功課時，覺得網上資訊太多太亂，啟發佢開發了個App「Trimit」，將網頁內容自動撮要，為廣大需要搜集資料嘅用家帶來莫大嘅方便。
呢個被譽為下一個互聯網天才嘅年輕人靠呢個App，仲得到李嘉誠旗下私人投資基金Horizons注資添！雖然李嘉誠旗下嘅私人投資基金未有透露注資金額，不過Nick嘅父母就話金額都幾可觀。見個改良版嘅App「Summly」已經上架，而且免費畀人下載，絲絲都不甘後人下載嚟用，的確又幾方便，搵資料都快咗添！
余絲韻