負責選舉下屆特首嘅選委已經誕生，「有票在手，地位寧舍不同」，有「潮州怒漢」之稱嘅立法會議員詹培忠下個禮拜一晚，就約咗全體18名金融服務界選委飯局，估計都有十多人出席呢個畀面派對。
喺呢個敏感時候約飯局，自然惹人聯想。不過，詹培忠就叫絲絲不要誤會，今次飯局絕對與選舉無關，佢亦不會為特首候選人喺金融服務界拉任何一票，一切都係班選委佢哋自己嘅決定，佢亦會尊重，絕對不會干預。
詹培忠話飯局純粹係聯誼，傾吓計；佢話班選委，好多都係來自七大證券組織，咁佢都希望大家可以就業界有需要爭取嘅事，團結一致。
余絲韻