其實喺內地做賓架有幾難呢？中證監無提供數據，但係就有賓架話，每年考專業試嘅準賓架僅得一成過關。
高薪尖子多屬海歸
過關率咁低，係因為個試要考好多嘢，會計、法律、財務樣樣都要考齊，中證監一直冇公布過關率嘅數字，據聞考到賓架資格嘅，好多都係外國留學生。
論人工花紅，賓架喺內地已經係高薪族嘅尖子，加埋近年內地資本市場發展迅速，賓架人工連花紅閒閒地兩百幾萬人仔，而且喺僧多粥少下，好似話今年仲會有人工加添。
睇番內地規定，賓架唔可以喺同一時間處理多過兩單IPO刁，而一單刁通常歷時超過一年完成上市程序，若果以內地2,000位賓架計，幾乎每位賓架都有刁做，幾乎係全民就業率100%嘅行業。
余絲韻