仍然要成日出入媒體，真係忙到冇停手。Prof. J成日搭車搭船（過澳門），當然唔少得搭飛機，雖然次數就少一點，但係機票就貴過晒前面堆車船費，搭一次等於搭咗成季車船咁滯！最慘就係公幹幾日又要返嚟，計番條數又唔係好抵，但唔去又唔得！尤其經常往返大陸，搭高鐵又嫌費事，忙裏有時都想坐低抖吓你話係咪？所以就一程過搭飛機算！
中國國航（00753）主要喺中國、香港同澳門提供航空同埋相關業務（飛機維修、航空餐飲、機場地面等等）嘅服務。近幾年，積極完善樞紐網絡，強化生產組織和市場營銷，深化成本控制，強化資源整合。
鑑於高鐵事件同一眾交通事故，國航都非常之注重安全；不過，喺注重安全嘅前提下，集團仍然喺航空業入面創造咗歷史上最好同埋行業上領先嘅效益水平，算係向前邁進一大步。
睇番公司嘅內部數據，客運產出效率持續改善，去年實現收入客公里1,056.95億，增加40%。咩係實現收入客公里？大家嘅信用卡成日儲飛行里數，點會唔知？全年總運送旅客6,000.62萬人次，提升45%，以內地旅客飛行頻次而言，國航市佔率算勁，客座率達80.03%！一於繼續追蹤、出發！
香港大學電子金融服務榮譽助理教授徐燦傑