莫說係經濟增長，新興市場嘅消費潛力已經跑贏咗歐美市場，萬威（00167）睇中咗亞洲、土耳其及中東市場業務，最近仲特意推出結合健康、美容同埋科技時尚產品，以配合亞洲市場嘅發展。
萬威自家電子時尚產品品牌Oregon Scientific同韓國生物化工公司，合作嘅結晶品已經面世，以納米技術研發家用NanoActiv皮膚恢復系統作為賣點，最快半年後將會喺內地推售。不過絲絲記得，萬威一直都係做開液晶體顯示電子消費產品、電子教學產品，無端端整條保健產品新line？
執董陳鮑雪瑩解釋，話係為咗進軍亞洲市場。仲有一系列美容產品投入市場，以吸納增長中嘅抗衰老市場。