A股呢排走晒樣，其中一個原因「賴」國際板推出。尋根究柢搵死因，點知愈搵愈火滾，有人發現上交所副總經理徐明早前就國際板推出嘅訪問內容被誤解，累A股損失6,000億元。
事緣有外國通訊社採訪徐明，以《China 『Ready』 to Allow Foreign Firms to Sell Stock，Exchange Official Says》為題發稿。徐明講明，國際板「基本準備就緒」，「將在時機成熟時盡可能快地推出」，「目前只是等待啟動國際板的時間表，交易所已經完成了有關技術和監管方面的要求」。
不過，市場將「時機成熟盡快推出」誤讀成「隨時推出」，忽略咗「時機成熟」呢個咁重要嘅條件，搞到恐慌情緒高漲。有微博客形容，「徐副總一句話，讓A股市場一天損失逾6,000億！相當於一個西部省份一年的GDP！」
雖然好多專家即刻撲出嚟，話「國際板的推出不必急於一時」，但股市嘅表現，印證股民「不買漲」。
余絲韻