身在馬來西亞舉行緊投資者會議嘅Barry，特登臨時安排電話會議公布呢個消息，可見佢幾咁重視。咁點解無端端要改名嘅？佢就話，係要加快全球業務發展，進入美國同加拿大嘅市場，Barry仲強調新品牌嘅管理結構、投資理念統統不變。
避免客戶混淆
單單為咗開發商機就改個新名，絲絲就覺得理由似乎唔夠充分喎。但有朋友就提醒，響美國有家大型金融機構叫保德信（Prudential Financial），保德信同保誠（Prudential）嘅英文實在太相似，試幻想吓，保誠資產管理去到北美做推銷後，有客戶想幫襯，點知就搵錯第二間，不明不白流失生意，就真係一眶眼淚喇。
余詩韻