點解咁多人響應呢項運動呢？其實原因好簡單，有個將成副身家轉走嘅參與者就話：「起碼佢哋（指儲蓄互助社）將我當貴客看待。」言下之意似乎對大銀行服務有微言。
大銀行唔多care散客
不過當地嘅大銀行似乎唔多擔心，皆因轉走嘅多數喺啲小散戶，存款不多、又無乜幫襯銀行嘅產品，反而增加咗銀行營運開支添。有統計話，大銀行對於每個支票戶口，一年要花350至450美元去維持服務，成本比小銀行高成倍。
美國嘅「佔領華爾街」行動都傳咗來香港，唔知今次「銀行轉戶日」又會唔會呢？其實大銀行又唔使太擔心，只要做好自己無有怕，正如有當地客戶講：「我都想轉走啲存款架，但係好難搵番大銀行嘅服務呢！」