信和置業（00083）主席黃志祥（Robert）近年好少出嚟公開場合，近排淨係喺政府土地拍賣場見過佢足迹。尋日佢哋開股東會，吸引咗好多人嚟，包括絲絲在內，唔知係咪Robert近排開心啲，尋日表現得好風騷，氹到人鬼咁開心。
Robert喺香港同新加坡嘅投資分量真係不相伯仲，佢當然好熟悉獅城。
之不過，佢尋日發現好多人未去過，覺得好驚訝，猛問大家有無睇過佢哋嘅項目？有無去過新加坡？現場只有小貓幾隻話去過，Robert真係覺得驚訝p架，猛問新加坡有咩問題？大家惟有笑笑口咁話無錢啦！
殊不知Robert即刻話：「我哋請大家去！睇吓我哋個項目有幾靚！」Robert講到似層層咁，咁到底幾時成團先？一向爽快嘅Robert就話：「一於聽日啦！」雖然大家都唔會期望成行，但開心住先啦！