祖國人民富起來，由早年發迹嘅「大款」以至新生嘅「富二代」，不少都會用名牌、住豪宅、揸名車，來彰顯自己嘅生活品味，而更直接又不客氣講法就是「炫富」，惟相對來說目前仍算是世界第一大經濟體嘅美國，有分析就話當地嘅「百萬富翁」多數唔會穿名牌戴貴錶、而且亦未必會住豪宅駕名車！
說來有趣，絲絲留意到這份報告，係緣於美國國務院嘅華文博客網站所載一位美籍華人嘅博文，這位博主有感而發，未知係唔係睇得太多內地富豪嘅「炫富」新聞呢？
篇博文講，據美國《Money》雜誌與同CNN進行嘅調查，美國目前約有7%嘅家庭以淨資產計能成為「百萬富翁」。按美國學者Stephanie Komon喺自己嘅著作《百萬富翁鄰居》（The Millionaire Next Door）所做分析，這批「百萬富翁」大部分不着名牌、不戴名錶，就連買車都唔會買最新款添！
好多西方意見都話今時今日嘅內地有錢人，好多人都財大氣粗，相對來說美國這種踏實而簡樸嘅「富貴文化」，對今時今日嘅中國人確有借鏡之處。