史玉柱喺微博度，炮轟中國人壽（02628）增持民生銀行（01988），畀證監局「約談」，史玉柱一度封微博「反省」，之不過呢啖冤屈氣真係啃唔落，終於都要喺番微博度呻冤，羅列五大平反理由。
證監局認為史玉柱喺微博上披露國壽與民行嘅虛假消息，造成民行股價異常波動。
佢堅稱自己冇操縱股價，比竇娥還冤。列舉五點為自己平反，包括當天微博發布後，民行只係跟所有銀行股一齊大漲；佢哋每日都在大筆增持民行股票，股價高反而對佢哋最不利。
帳面增值不屬獲利，何況幾日之後，股價又跟隨大盤跌到帳面虧損，「一句話賺取2.3億」嘅說法，屬子虛烏有。
當然監管機構對史玉柱嘅說法可能唔多認同，但面對微博嘅影響力日益擴大，的確係要深思大眾應該點對待呢啲內容。
余絲韻