專營香精香料同煙葉嘅華寶（00336）尋日發咗個不明股價升因嘅通告，但補充話主席朱林瑤喺上個禮拜五，為一批為數9,473.68萬股華寶股份釐定衍生合約（長倉），為期15個月，以昨日華寶股價計，呢批長倉涉及股份價值4.48億元，尋日即時升咗8.24%。但澳洲對沖基金Bronte Capital嘅揸旗人John Hempton係佢網誌越洋叫陣要short華寶，擺明同朱主席及一眾券商對着幹。
Hempton係網誌話，朱主席係○八至○九年多次售股套現（由○六年起計約100億元），依家係全球女富豪榜中排名第八，係smart cookie（醒目女）。佢了解嘅華寶都係公家料，只知份約表面上係長倉。但佢就唔理咁多，一於開底牌話明會short華寶。
余詩韻