三季蝕47%破紀錄
普爾遜旗下基金投資損手嘅情況，早喺九月季結後，已經廣為市場評論，佢嘅旗艦基金Advantage Plus喺九月慘蝕19.4%嘅同時，首三季合計更累蝕47%，呢個慘不忍睹嘅戰績，幾乎係佢征戰基金界以來最差嘅一年。惟據《彭博社》引述消息指出，由九月結束至今，只是有約一成嘅投資者同佢分手，提交贖回基金嘅通知，情況較○八年金融海嘯時達兩成八嘅贖回率明顯為低。
據講投資者仍對普爾遜投下信心一票，願意將錢交畀佢投資，係由於佢喺○七年睇準次按風暴，創下高達150億美元巨額回報神話，更寄望佢嘅出色往績，可在今次嘅歐債危機中再創另一個逆市神話。