股市沽空活動近期㷫合合，好多投資者都關心邊隻股份沽空多啲，邊隻股份最近畀人圍沽，咁都好難怪，事關今年以嚟，沽空總額佔大市成交超過一成嘅次數愈嚟愈多，好似噚日沽空金額92億，佔大市比例超過12%咁多，如果計埋差唔多有一成比重嘅次數，真係嚇你一跳，反映沽空活動可能成為拖冧後市嘅計時炸彈。
如果想知道沽空詳情資料，最簡單直接方法，就係喺收市後click入money18財經網站（網址：money18.on.cc），所有沽空資料，都可以喺「股票資訊」裏面嘅「沽空紀錄」一眼睇晒，只要做足功課，就算空軍襲港，都識得見機行事，以免畀人炸埋一份。
余絲韻