揸貨7年賺近二千萬
「古仔」賣出嘅京士柏山單號屋，面積4,268方呎，以成交價計，呎價約20,150元，佢都算長情，個物業佢由○四年持貨至今，咁長情抵佢大賺，帳面大幅獲利1,962萬元，據土地註冊處資料，今次買家是戴錦春及張素雲。
講開古天樂，絲絲知道佢一向鍾情居住市區大屋，早於○二年以約2,800萬元買入京士柏山一幢面積約3,400方呎嘅「細屋」，之後不斷細屋換大屋，到○四年再買入啱啱賣出嘅同屋苑單號屋，現時兩幢洋房已相繼獲利賣出。而隨住身家愈來愈豐厚，佢喺○九年更加豪擲1.26億元買入港島南貝沙灣五期一幢面積超過6,300方呎嘅大屋，當時呎價只約2萬元，依家升到幾多錢？你話呢！
余絲韻