滙控（00005）又有大變動！今次唔係佢哋管理層，而係陪咗大家九年嘅口號──「環球金融，地方智慧」（The world's local bank）。
下星期滙控將會改用新口號「Part of the new world」，至於中文版會點譯就未公布，不過斷估唔會直譯做「新世界的一分子」，皆因好易令人誤會，滙控加入咗另一間上市公司。
其實，之前滙控行政總裁歐智華都有提過，舊口號同佢哋嘅商業策略唔多脗合，只係廣告手法嘅一種。
老友同絲絲講，舊口號偏向零售銀行服務多啲，而新口號就集中多啲喺工商業務度，更能夠符合番滙控依家嘅發展策略，即係注重國際足迹（International presense）同關聯性。
當然，換口號唔同「賣仔」（出售業務），好難一夜之間換晒。據了解，舊口號將會慢慢淡出；相比之下賣仔就快好多，滙控宣布以兩億加元，出售加拿大嘅私募基金業務畀Fulcrum Capital Partners Inc.。
余絲韻