無論從商還是從政，國際視野好緊要。有調查顯示，好多財務及會計專才雖然想爭取國際經驗，但亞太區僅有少數公司提供海外就業機會。呢個調查係由國際專業會計組織ACCA（特許公認會計師公會）及招聘公司Robert Half International所做，名為《國際專才流動研究報告》，調查對象包括喺香港及新加坡嘅ACCA會員和僱主。
《報告》反映67%嘅香港財務及會計專才同73%嘅新加坡專才，想去海外工作，原因包括期望發展事業（24%）、追求更高嘅薪酬福利（21%）、改善整體生活質素（14%）及尋找新嘅工作經驗（12%）。
但有借調員工到海外或中國內地工作嘅香港企業中，僅8%會定期作此安排。新加坡嘅情況差唔多，只有13%嘅企業會定期借調員工到海外。點解僱員及僱主對借調海外有咁大差距？咪係錢作怪囉﹗報告指出，公司不願從海外招募人手嘅主要原因係涉及大筆支付海外僱員嘅開支，其次係應徵者往往缺乏本地會計實務守則及法規嘅知識。
余絲韻