恒指昨日重上萬八點樓上，總算來一次較似樣嘅反彈，近日重挫的基金股，昨隨大市回升，建材股的補倉潮尤為明顯。不過，若然唔係前日低位入市，尋日追漲唔係好划算，落場追貨分分鐘接火棒。
內房股方面，尋日亦有喘息機會，龍頭股中國海外（00688）升4%。眾所周知，過去兩個月內地房地產市場已開始見到唔單只成交量縮減，連樓價亦開始有下行壓力。若然踏入第四季，內地市場流動性未有改善，發展商減價促銷的壓力將會愈來愈大。
故此，整體內房股氣氛仍未許樂觀，暫只能以極度超賣下的反彈浪視之，集團首季支持位12.6至12.8元已由支持位變成阻力位，向下支持在10.6元，現水平值博率低。
古晨