兩日前與中學舊同學聚會，想不到，這餐飯成為當前環球經濟狀況的一個縮影。先由一位高大的女同學說起，她幾個月前辭工打算透過「工作假期計劃」到英國，話題由此而起。
英國搵工難大家都略有所聞，所以高大女同學不斷向朋友探路，期望能夠先搵工後抵埗。這時有位初中時移民英國的男同學，語重心長的提醒，還是取消計劃好了，除非百分百肯定已獲聘。這位男同學踢波多過食飯，最終他入了大學讀設計，可惜搵工太難，由揸畫筆變成揸鑊鏟，去年更回流香港，依家做地產經紀。
當大家知道他是地產經紀，自然問他對樓市的看法。他只說：「下年會跌。」老師也說起自己「上唔番車」的經歷。她原本在沙田有個自置物業，但幾年前為遷就兒子上學，決定搬屋。當時樓市仍然呆滯，蝕讓物業，本打算先租後買，等樓價回落，但之後樓市升個不停，再上車也感困難。
講完樓市，話題轉到我身上，老師問我最近有沒有轉工，證明銀行裁員潮已經被大家留意，我惟有說：「跌市大冧，係個客輸錢，又唔係我輸，暫時仲有工返。」
大健
大健，財務碩士畢業，投身財經記者行列數年，之後無論轉職歐資投行，抑或現任職英資金融機構，始終情繫中環，相信各有前因莫羨人。
微博：http://t.sina.com.cn/taikin