散戶4招抗跌市
第一招少做可少錯 馬先生認為，現時恒指低處未算低，大市難以捉摸，因此「少做少錯，唔做就沒錯！」「依家掂親都損手呀！呢排落魚缸都係同其他人打吓牙骹，哭吓股喪咁，大家都無乜點玩！」
第二招長揸轉短炒 樊小姐表示，早已放棄投資牛熊證，股票由長揸變短炒！她說：「依家係危險期，一定唔玩牛熊證！股票就玩即日鮮，炒吓波幅咁仲穩陣！」「十‧一」將至，樊小姐會「吼實」零售及濠賭股，繼續炒波幅，貪其「快上快落」！
第三招等終極一跌 Jason估計，恒指依然約有1,000點下跌空間，雖然短期或有技術反彈，但大市始終「低處不算低」，寧願保留現金，實行「雙不政策」（不買不賣）。「依家嘅策略都係儲番晒啲錢，等去到終極低位先一次過入！」
第四招轉存人民幣 吳小姐表示，難以捉摸港股後市去向，現時「齋睇唔敢買」，計劃多投放資金作人民幣儲蓄，較穩陣之餘也可博升值。她說：「我不嬲都有儲開人民幣，依家個市咁差，真係寧願擺番多啲資金去人民幣存款嗰度啦！」
